Klopp ringtawktu Luis Suarez

Liverpool striker hlui Luis Suarez chuan Reds manager Jurgen Klopp chuan Merseyside club chu hmun ropui zawkah a hruai theih a beisei thu a sawi a, season lo awm leh turah chuan Champions League an khel ngei tawh ang, a ti.

Reds hian 2014-15 kha Champions League an khelh hnuhnung ber a ni a, Real Madrid, Basel leh Ludogorets te nen group khatah awm hoin group stage pawh an paltlang thei lo.

Suarez chuan, "Tun hnaiah Liverpool hian hma an sawn nasa a, Europa League-ah final lutin Premier League-a an khel pawh a hmuhnawm em em. Klopp hian Champions League khel tura he team hi a kaihhruai leh theih ka beisei a ni," a ti.

Uruguay international khelhna Barcelona leh Liverpool hian zanin dar 9:30-ah friendly match an khel dawn a, team pahnih inhmachhawn tur hi Sony ESPN-ah live-in a en theih dawn a ni.