Vijender a thleng sang zel

Indian boxer Vijender Singh-a'n hmalam a pan zel a, World Boxing Orga-nisation-in ranking a tih chhuah thar bera super-mid-dleweight category-ah 10-na dinhmun a luah ve ta.

October, 2015-a professional boxing luh-chilh ve ṭan chauh Vijender chuan, "Ka tan chuan hei hi bul ṭanna chauh a ni. Engtikah emaw chuan world no.1 nih ka duh a, ka duh hi ka tih hlawhtlin theih ngei pawh ka ring," tiin a thlen chinah ala duhtawk lo.

Vawi sarih inhnek a hmachhawna chak vek thei Haryana tlangval hian thla hmasa lawk khan Asia Pacific super middleweight kawnghren kawl turin WBC European champion hlui Kerry Hope a hneh a, hei hi WBO ranking-a top ten dinhmun a luah theih chhanah ngaih a ni.

WBO ranking chhuak thar berah hian North American Boxing Organi-sation (NABO) champion lai Jesse Hart chu a chung berah a awm. Vijender-a hnuai chiahah American boxer beiseiawm, vawi 22 inhnek a hmachhawna la tlawm lo Trevor Mc^-Cumby a awm a, a chung chiahah hian vawi 27 inhneka vawi 26 chak thei Russian boxer Matt Korobo a awm thung.