Croatia-in Group H-ah hma an hruai zel

Euro 2016 qualifier-ah boruak a lian chho zel a, Zirtawpni khan Gropu H hmahruaitu Croatia leh an hnuai chiaha awm Italy te inkhelin 1-1 in an ṭin a, point hnihin Croatia an sang fal zel.

March thlaa Euro 2016 qualifier match a Croatia-in Norway an mikhual ṭuma fan-te'n mawi lo tak leh vun rawng inhmuhsitna lam hawi zawnga Norway player te an auh el avangin Zirtawpnia inkhel hi entu awm lo a khelh a ni.

Croatia tan Atletico Madrid striker Mandzukic-a'n minute 11 na lekah hmahruaina goal khung mah se penalty a pet goal loh mai bakah penalty a chawi zui a, Antonio Candreva chuan Italy penalty hi mawi taka chip lutin goal dang a lut tawh lo a, 1-1 in inkhel an ṭin ta a ni.

Group H hmahruaitu inchuhna inkhelah hian mi ṭhenkhatin field chhungah Nazi chhinchhiahna an lo ziah avangin inkhelh zawhah titi a ti tam hle.