Juventus pantu Sami Khedira a lawm

Sami Khedira chuan kum li chhung cham tura Serie A champion Juventus nena inremna an siam thei chu lawmawm a tih thu a sawi.

Thawhlehni khan Germany international midfielder Khedira hian season tharah chuan Real Madrid chhuhsana Italian club a zawm tur thu hi a ti chiang.

Juve manager Massimiliano Allegri enkawlna hnuaia inkhelh a chak thu sawiin Khedira chuan, "Ka duhthusam a thleng dik a ni. Juve manager nena thawh dun hlan ka nghakhlel tawh khawp mai. Turin-ah hian player ropui tak takte leh fan ruhkawl football atchilh tak tak an tam em avangin footballer tan chuan he hmuna inkhelh hi a chakawm a ni," tiin a club thar tana khelh a chak tawh thu a sawi.

Khedira hian midfield laiah senior player chhuak tawh tur anga an sawi Andrea Pirlo a thlak tura ngaih a ni..