Andy Murray a dam

British number 1 Andy Murray chuan vawiin aṭanga khelh tur Queen's Club tournament aṭan a inpeih thu a sawi.

Tun season-a avawi khat nan grass court a inkhel turin Murray chuan a khawsik a dam tawh thu leh kar hmasa Inrinni a French Open semifinal-a Novak Djokovic a hneh loh na chu theihnghilh a hun tawh thu a sawi bawk.

Murray hi French Open khelh hnu khan khuh in a tihbuai bakah a mit veilam a na bawk. French Open a a tlak hnuah England-ah hawin hetah pawh hian khawsik vangin a inenkawl leh rih a ni.

Murray-a coach Amelie Mauresmo chuan August thla hian naute nei dawn mah se June 29 a khelh ṭan tur Wimbledon-ah chuan Murray hi court-ah a ṭawiawm thei tura ngaih a ni. Tun ṭum Queen's Club tournament-ah bik hi chuan Jonas Bjorkman-a'n Murray hi a lo enkawl phawt dawn a ni.

World number 3 Murray chuan, "Kar khat chhung zet khawsik vang­in ka inenkawl a ngai a, tunah chuan ka khawsik a reh bakah ka khuh pawh a ziaawm tawh avangin inkhel turin ka inpeih leh tawh e," tiin a sawi.

Murray bakah hian French Open champion thar Stan Wawrinka leh Rafael Nadal te pawh he tournament-ah hian an inlan ang.