Wimbledon-ah Roddick a lo kir dawn

American tennis star Andy Roddick chu tun thla tawpa khelh tur Grand Slam tournament Wimbledon-ah a kir leh dawn. Amaherawhchu inkhel tur ni loin 'commentator' turin a ni tawh thung ang.

Kumin Wimbledon hi kum dang zawng aiin mipuiin an ngaihven theih nan a buatsaih tu ten ṭan an la nasa hle . Chung an hmalakna zingah chuan kum 32-a upa Roddick leh hmeichhe world number 1 hlui Justine Henin te hi commentator tura sawm an ni. Anni pahnih hian TV bakah Radio-ah inkhel chanchin an sawi dawn a ni.

Kum 2012 a tennis khelh lo chawlhsan tawh tu Roddick chuan, "Ka tan chuan lawmna tur hlir niin ka hria. Wimbledon hian ka thinlungah hmun pawimawh tak a chang reng a, hetianga inkhel chanchin sawi tura sawmna ka dawng hi ka hnar phal lo a ni," tiin a sawi. Roddick hi World number 1 te pawh lo ni tawhin US Open-ah a champion tawh bawk. Wibledon final hi vawi thum khel tawhin mah se a hlawhtling lo vek thung.

Henin pawhin Wimbledon-a hetiang hna a thawk tur chu atan chawimawina a nih thu leh a lawm thu a lo sawi ve bawk.