Real-in Brazilian rawlthar lalut

Spanish club langsar Real Madrid chuan kum 18 mi Reinier Jesus chu pound maktaduai 26-in an lalut a, Brazilian midfielder hian Santiago Bernabeu-ah kum ruk khel turin contract a ziak. 

Reinier hian nikum July 31 khan Flamengo tan a senior match hmasa ber a khel a, Brazil Serie A season hman zawh takah match 14 khelin goal ruk a khung thei. Flamengo tana league leh Copa Libertadores nomawi chawi hlim hi a club chuan duhsakna hlanin, "A hma hun atan duhsakna sang ber kan hlan a ni," an ti. 

Reinier hi kum 2018-a Dubai Under-16 World Cup-ah khan top scorer a ni a, a club hi nomawi chawipuiin Real Madrid chu final-ah an hneh a ni. December-a khelh zawh tak Qatar Club World Cup-ah pawh khan squad-ah hruai tel a ni a, mahse final-a an ngam loh tak Liverpool lakah a lut lo.