Minute li chhung leka hattrick siamtu Lewandowski

Bayern Munich striker Robert Lewandowski-a'n Inrinni zan khan minute li chhung lekin hattrick a siam.

2016 European Championship quali­fying-ah Poland-in Georgia 4-0 in an hneh. Poland tan minute 62-naah Arkadiusz Milik-a'n goal hmahruai a khung a, Georgia forward George Navalovsky-a'n goal ban a pet per bawk.

First half-a chance ṭha pathum hlahtu Poland captain Lewandowski-a'n minute 89-naah Milik-a through ball a khung a, injury time-a a goal hmasa ber ang tho hian Jakub Blaszczykowski leh Milik te pass a ti goal leh bawk. Bayern forward hian qualifying match vawi ruk khelh tawhah goal sarih a khung tawh.

Poland hi Group D hmahruaitu an ni a, Gilbraltar 7-0 a sawptu Germany chu pahnih­na an ni. World Champion Germany hian first half-ah goal khat lek an khung a, Bastian Schweinsteiger-a'n penalty a hlah a, goal khungtu hi Andre Schurrle niin second half-ah goal ruk dang an khung.

Germany tan Schurrle-a'n hattrick a siam a, Max Kruse-a'n goal hnih a khung a, Ilkay Gundo­gan leh Karim Bellarabi te'n goal khat ve ve an khung bawk. Arsenal midfielder Mesut Ozil chuan assists vawi thum a nei bawk.