Mercedes Cup final-ah Nadal

Rafael Nadal chuan Inrinni khan Mercedes Cup semifinal-ah Gael Monfils hnehin final a lut. Pathianni zan khan Nadal leh Viktor Troicki ten final an khel a, result erawh kan hre hman lo.

Kum 29-a upa Nadal hi he tournament-ah hian seeded pakhatna a ni a, minute 80 chhung lekin Monfils lakah 6-3, 6-4 in hnehna a chang.

French tennis star Monfils hi a vanduai ve hle a, Nadal-a service vawi li ngawt chhuhsak theihna hun ṭha a neih chu a chhawr ṭangkai zawh loh bakah vawi nga ngawt 'double fault' a nei.

Mercedes cup hi grass court-a khelh a ni a, June thla tawpa khelh ṭan tur Wimbledon inbuatsaihna anih avangin Nadal atan chet ṭhat a pawimawh hle. Kum 2010 Wimbledon a champion hnuah Nadal hi grass court-ah a la champion leh lo.

Final-a Nadal khing­pui tur Troicki hian semi­final-ah Marin Cilic chu 6-3, 6-7 (1-7), 7-6 (7-2) in a hneh hram a ni.

Spanish tennis star Nadal chuan, "Ka tan chuan chak hi a pawi­mawh tak zet. Roland Gaross-ah beisei angin ka khelh loh avangin ka tan hun harsa a ni hman. Mahse tunah chuan ka rilru put hmang pawh a dik leh tawh e," tiin a sawi.