City an chak ve ta

Premier League-a an match hnuhnung 10-a an vawi hnih chakna ni turin Manchester City an chak ve ta - Pep Guardiola enkawl team hian tlak hlau Leicester City chu khualmualah 2-0 in an hneh a, point thum an hlawh chhuak ve leh ta.

City tan Savinho chuan minute 21-naah Manchester khaw club tana a goal hmasa ber a khung a, minute 74-naa Haaland-a khung tur a siamsak zui - Norwegian striker tan league match hnuhnung 10-a goal thum a khungna chiah a ni!

Leicester laka hnehna chan hi City tan rilru hnual lutuk tur tihrehna a nih bakah, champion beisei harsa tawh mah se, European football tal beisei tur a la awm, tihna a ni tel nghal.

Pep-a tan Pathianni zana an inkhel hi zan chhinchhiah tlak a ni bawk - City match 500 a kaihhruaina chiah a ni a, chak chung ngeia a match 500-na an lawm thei hi a lawm khawp ang.