Beisei aia ṭha Forest

Nottingham Forest-in beisei aia ṭhain season an hman chhunzawm zel - nizan khan Everton chu khualmualah 2-0 in an hneh a, Premier League table-ah pahnihna dinhmun an luah!

Forest tan Chris Wood chuan tun season-a a league goal 11-na hmangin goal hmahruai a khung a, minute 61-naah Morgan Gibbs-White khung tur a siamsak zui - Forest hnuaiah Arsenal, Chelsea leh Manchester City te ho an awm mek - Everton hian 4-0 ngawta Wolverhampton Wanderers an sawp hnuah, league match thum chhung a zawnin Arsenal, Chelsea leh City an inhnehtawkpui a, a tawpah Forest chu Goodison Park-ah an ngam lo. 

Nuno Espirito Santo enkawlna hnuaiah Forest hian league match 19 khelin vawi 11 an chak thei a, vawi li draw neiin, vawi li chak loh an nei - tun season-a hmahruaitu Liverpool hneh thei awmchhun an ni mek bawk.