Terina goal khung a tawk lo

Inrinni zan khan Indian Super League inkhelah Lalrinliana Hnamte chuan Chennaiyin tan goal khung mah se, a team chakpui nan a tawk zo lo a, Bengaluru lakah 4-2 in an tlawm.

Bengaluru hian Ryan Williams hmanga hmahruaina goal khungin, Chennai club tan Irfan Yadwad chuan si phurh a sut. Mahse, Sunil Chhetri-a'n khung ve lehin, hei hi Terina'n first half hun pek belhah a sut ve leh.

Mahse, Ryan Williams hian khung belh lehin, Chennaiyin defender Laldinliana Renthlei chuan an lamah a tilut bawk a, 4-2 in Bengaluru an chak - he inkhelah hian Dinliana leh Terina bakah PC Laldinpuia'n Chennaiyin tan bul a ṭan a, Bengaluru tan Lalremtluanga Fanai chu bench aṭangin a lut.

Inrinni zan inkhel dangah Hyderabad leh East Bengal te 1-1 in an inhnehtawk. Kolkata club-in Jeakson Singh-a goal chu an chakpui tawh mai dawn emaw an ti hman a, mahse, minute 90-naah Manoj Mohammad chuan Hyderabad tan si phurh a sut.

Hyderabad tan Isaac Vanmalsawma leh Ramhlunchhunga ten inkhel bul an ṭan a, East Bengal tan Lalchungnunga chuan minute 90 a khel tluan bawk.

Pathianni zan khan Jamshedpur chuan 1-0 a Kerala Blasters hnehin beiseina an chhi nung a, Pratik Chaudhari chuan inkhela goal awmchhun a khung - Blasters tan Freddie Lallawmawma chuan inkhel bul a ṭan a, bench aṭangin R. Lalthanmawia a lut thung.

#	Team	Pld	W	D	L	GF	GA	GD	Pts
1	Mohun Bagan SG	13	9	2	2	26	13	13	29
2	Bengaluru	13	8	3	2	27	17	10	27
3	Goa	12	6	4	2	23	16	7	22
4	Jamshedpur	12	7	0	5	17	22	−5	21
5	Odisha	13	5	5	3	25	17	8	20
6	Mumbai City	12	5	5	2	15	13	2	20
7	NorthEast United	12	5	3	4	26	20	6	18
8	Punjab	12	6	0	6	20	18	2	18
9	Chennaiyin	14	4	3	7	19	23	−4	15
10	Kerala Blasters	14	4	2	8	22	25	−3	14
11	East Bengal	13	4	2	7	14	17	−3	14
12	Hyderabad	13	2	2	9	10	26	−16	8
13	Mohammedan	13	1	3	9	5	22	−17	6