Juventus chak zo lo

Krismas leh kum thar inkara Serie A match an neihah Juventus an chak zo lo a, Fiorentina nen 2-2 in an inhnehtawk. Juve tan Khephren Thuram chuan goal hnih khungin, vawi hnih ngawt a team hi hma a hruaipui a, mahse, Fiorentina hian Moise Kean leh Riccardo Sottil hmanga chhangletin, 2-2 in inkhel a tawp.

Thiago Motta enkawl Juve hi tun season Serie A-ah la tlawm miah lo mah se, league match 18 an khelh tawhah vawi sarih chiah an la chak a, vawi 11 draw neiin, hmahruaitu Atalanta chu point kuain an phak lo mek.

Atalanta hian Inrinni zan khan Lazio chu khualmualah 1-1 in an inhnehtawkpui a, Lazio tana Fisayo Dele-Bashiru-a goal khung chu minute 88-naa Marco Brescianini-a goal hmangin an chhanglet hram.

Inrinni zan inkhel dangah Inter Milan chuan 3-0 in Cagliari an hneh a, Alessandro Bastoni, Lautaro Martínez leh Hakan Çalhanoğlu (penalty) ten goal khat ṭheuh an khung a, Pathianni zan inkhelah Napoli chuan Giacomo Raspadori goal khung hmangin Venezia chu 1-0 in an hneh bawk - hmahruaitu Atalanta nen an point hmuh zat a inang.

#	Team	Pld	W	D	L	GF	GA	GD	Pts
1	Atalanta	18	13	2	3	43	20	23	41
2	Napoli	18	13	2	3	27	12	15	41
3	Inter Milan	17	12	4	1	45	15	30	40
4	Lazio	18	11	2	5	33	25	8	35
5	Fiorentina	17	9	5	3	31	15	16	32
6	Juventus	18	7	11	0	30	15	15	32
7	Bologna	16	7	7	2	23	18	5	28
8	AC Milan	17	7	6	4	26	17	9	27
9	Udinese	18	7	3	8	23	28	−5	24
10	Roma	18	5	5	8	24	24	0	20
11	Torino	18	5	5	8	19	24	−5	20
12	Empoli	18	4	7	7	17	21	−4	19
13	Genoa	18	4	7	7	16	27	−11	19
14	Parma	18	4	6	8	25	34	−9	18
15	Lecce	17	4	4	9	11	29	−18	16
16	Como	17	3	6	8	18	30	−12	15
17	Hellas Verona	17	5	0	12	21	40	−19	15
18	Cagliari	18	3	5	10	16	31	−15	14
19	Venezia	18	3	4	11	17	31	−14	13
20	Monza	18	1	7	10	16	25	−9	10