Milan-ah Rebic a nghet

AC Milan chuan Bundesliga club Eintracht Frankfurt aṭanga loan hmanga an hawh lai Ante Rebic chu an la nghet. Croatian striker hian San Siro-ah season nga cham turin contract a ziak.

Season hmasa khan Rebic hian Italian club tan inelna hrang hrangah match 30 a khelh aṭangin goal 12 a khung, club tana goal khung hnem ber a ni! Season chawhnu lamah a vul a, 2020 bikah chuan penalty chhiar tel loin Cristiano Ronaldo (12) chu amah aia goal khung hnem awmchhun a ni.

Italian club chuan thuchhuah siamin, "AC Milan chuan Eintracht Frankfurt aṭangin Ante Rebic kan la nghet tih kan puang a, inremna kan neih theih avangin kan lawm hle. Contract hi June 30, 2025  thleng daih ziah a ni," an ti.

Season hmasa Serie A parukna Milan hian nikum lama loan hmanga an hawh tawh Zlatan Ibrahimovic chu kawl chhunzawm turin inremna an lo ziahpui tawh a, midfielder Sandro Tonali chu tlahniam ta Bresica aṭangin an lei fel tawh bawk.