Chelsea an chak lo zawn

Enzo Maresca hnuaia beisei phak baka che ṭha Chelsea pawhin Krismas vuakvetah result ṭha an nei lo. Blues hian match hnuhnung pathum aṭangin point khat chiah an hlawh chhuak.

Chelsea hian nizan khan Ipswich Town an tlawh a, 2-0 in an hneh lo. Maresca hote hi Ipswich laka an tlawm hmain Fulham lakah 2-1 in an chak lo tawh a, tun hnaia an result a ṭhat loh avangin table-ah pawh point 35 hmuin palinaah an la thla leh tawh.

Portman Road-a inkhelah Ipwsich-in Liam Delap-a penalty hleh Omari Hutchison-a goal hmangin hnehna an chang a, Blues laka point thum hlawh chhuah hi result ṭha bik a ni.