Maguire a captain zel dawn

Manchester United manager Ole Gunnar Solskjaer chuan a captain thlak tumna a nei lo a, tun laia hming hliauna nei Harry Maguire chu season tharah pawh an captain a nih chhunzawm tur thu a nemnghet.

Kum 27 mi Maguire hian Greece rama chawlh an hmanna hmunah zu rui chungin buaina a siam a, thiam loh chantir a ni. England international defender hian thiamthu sawi mah se court hmaa thiam chan nan a tawk zo chuang lo.

Man United manager Solskjaer chuan, "Kan captain a ni zel ang, a hna thawh tawh chin chu a ṭha viau a ni," a ti a, a player-in hun harsa a tawh lai pawh ni se a thlawp tlat thu a sawi 

tel bawk.

United hian Premier League season thar bul an la ṭan ve lo. An match hmasa ber atan September 19, Inrinni zanah Crystal Palace nen an inhmachhawn ang.

League match an neih hun atan hian midfielder Paul Pogba chu a dinhmun a la chiang thei lo. France international hian coronavirus a kai a, ram tan match pawh a khel thei lo.

Solskjaer chuan, "Paul hian hri leng a kai avangin training ṭhenkhat chu a zawm thei lo, hun rei lote hnuah chuan a pangngai ve leh mai ang. Palace nen kan inkhelh hun atan chuan 100% in a dinhmun a chiang lo," a ti.