Vawiin aṭangin 5th HPC Cup

Lunglei District hnuaia football inelna ngaihhlut ber, HPC Cup vawi ngana chu vawiin chawhnu dar 1:00 hian Ṭhuamluaia Mual, Lungleiah khelh ṭan a ni dawn.

HPC Cup hi Village Council huamchhung inel­na ni mah se ṭum li khelh tawhah veng/khaw pawn player lak phal a ni. Tun ṭumah hian veng/khaw chhung player chauh hman tur a nih avangin inelna bourak a nung phah hle.

Lunglei DFA hono­rary secy Zothanzuala Hnamte chuan, "HPC Cup vawi ngana hi a hlawh­tling turah ka ngai. Mahni veng hlanga khelh tur a nih avangin veng tin an phur a, an ṭang tlang a. Kum dang aiin ngaihhlut a hlawh zawk," tiin a sawi.

5th HPC Cup-ah team 50 an tel a, champion lai chu Electric Veng, Lung­lei an ni.