Simeone-a'n hri leng a kai

Atletico Madrid manager Diego Simeone chuan Covid-19 a kai tih hmuhchhuah a ni a, Argentine manager hian a taksa lamah harsatna leh buaina nei lo mah se sorkar inkaihhruaina angin in lamah a inkhung hrang.

Zirtawpni khan Atletico hian training an nei ṭan leh a, coronavirus an kai em tih endik a ni. Endik zingah Simeone chauh hian a kai tih hriat a ni, player leh coaching staff dang zingah chuan hri kai an awm lo nia hriat a ni.

La Liga hi khelh chhuzawn a ni leh tawh, mahse Atletico Madrid hian September 27-ah an match hmasa ber an khel dawn chauh - Granada nen an inhmachhawn ang. League match khelh hun a la hlat deuh avangin manager pawh dam fel hman tura ngaih a ni.