LeBron James-a'n record thar siam

Basketball khel tur a piang LeBron James chuan mellung a phun leh ta - kum 20 tlin hma atanga NBA khel tan, kum 40 tlin thlenga khel chhunzawm thei hmasa ber a ni.

Nimin zing inkhelah James hi Los Angeles Lakers tan a inlan a, a club hlui Cleveland Cavaliers lakah 122-110 in chak lo mah se, mimal record chu a siam ta tho a ni.

James hian kum 2003 khan NBA a khel tan, khatih lai khan kum 18 mi chauh a la ni. Nikum December 30 khan kum 40 a tling fel tawh a ni.

Inkhel dangah Giannis Antetokounmpo a langsar a, Greek tlangval hian 30 points, 12 rebounds, 5 assists bakah 2 steals neiin Milwaukee Bucks chu Indiana Pacers lakah 120-112 in a chak pui.