Raducanu inkhel thei rih lo

Emma Raducanu chu a hnungzâng na vangin a inkhel thei rih lo, inelna lian Australian Open khelh tura inbuatsaihna Auckland Open aṭangin a inhnukdawk, a inkhelh theih hun tur a la chiang rih lo.

Kum 22 mi Raducanu hi Robin Montgomery nen a inkhel tur a ni a, mahse a inlan thei ta lo. Raducanu chuan, "Inkhelh ngei tumin theihtawp ka chhuah a, bei nasa viau mah ila ka tlin ta lo a ni," tiin a sawi.

British nula Raducanu hian US Open nomawi a chawi tawh a, mahse major title a lak hnuah ropui takin a khel chhuak leh thei rih lo, season thar beiseina pawh nei sang viau mah se hliam vang bawkin a buai lehnghal a ni.