Hmabak thui tak ka la nei - Rinpuia

Table Tennis khel thiam Lalrinpuia chuan, inkhelh mai bakah player dang chherhriam kawngah tha thawh chhunzawm zel a tum a, hmabak thui tak a la nei tih a sawi.

Mizo tlangval Rinpuia hi Table Tennis vangin USA-ah a awm mek, player chher hriamna lamah hna a thawk. Krismas vuakvetah khan US Open an khel a, a ṭanpuia Ishaan-a nen silver medal an vaw chhuak.

Rinpuia chuan, "TT hi ka nunah a bet tlat tawh a, ka dam a nih phawt chuan hmabak leh hlenchhuah tur tam tak ka la nei. Inkhelh ka la chawlhsan lo a, nuamti takin ka la inkhel thei, midang tana ṭangkai theihna tur kawng ka la dap reng bawk," tiin Vanglaini a hrilh.