Biaknuami'n silver medal a la

68th National School Games Under 19 (Taekwondo) huangah R. Lalbiaknuami, Chaltlang chuan bronze medal a hlawh chhuak.

Devas, Madhya Pradesh-a inelna neihah bronze medal la turin Biaknuami hian Jammu and Kashmir leh Delhi aiawhtu a hneh a, mahse champion lai leh India junior number 1 a ngam loh zui avangin a champion phak ta lo.

Biaknuami hi kum 2015 khan Thenzawn Taekwondo Academy-ah taekwondo hi a zir ṭan a, kum 2019 khan Taekwondo Academy of Best Friend (TABF) ah zir zawmin nikum aṭang khan Gauhati, NCOE-ah a zir zawm leh mek a ni.

Mizoram Amateur Taekwondo Association Olympic Vision player zinga mi niin, state pawnah medal pasarih la tawhin Mizoram Champion of Champion 2024 title kawl mektu a ni bawk.

School Games under 19 Taekwondo bikah hi education department leh MATA tirhin Biaknuami chauh khelin Vanlalmawipuia'n a hruai a. A hma lamain under 17-ah Lalruatkima'n gold medal a lo la tawh bawk a ni.