Russia tan kawng an hawng dawn?

World Athletics chuan Russia chunga hremna a lekkawh lai chungchang a ngaihtuah nawn a, a hrem lai ram hian intiamkamna fel tak nei chunga dan leh hrai an zawm dawn a nih chuan ngaihhnathiamna an nei dawn niin a lang.

Russia hian 2014 Sochi Games ah khan an ram sorkar hriatpuina ngeiin an infiammiten dan an bawhchhia a, an thil tih hi hriat chhuah a nih hnuah hremna na tak pek an ni.

Athletics inelna huangah an inlan phalsak an ni lo a, infiamna kawmpui lian ber Olympic-ah pawh an ram hmingin an inlan thei lo. Infiammi inlan tura tlingte pawh 'neutral athlete' ni chunga an inlan a ngai hial.

World Athletics taskforce chairman Rune Andersen chuan, "Ruahmanna siam a ni a, inremna a awm thei a nih chuan Russia tan chanchin lawmawm a ni ang," a ti. Russian Athletics Fede-ration hremna hi an hlip lo a nih chuan Tokyo Olympic-ah an inlan thei dawn lo. Hrem an nihna an hlihsak a nih erawh chuan nakkum nipui laia neih tur infiamna khawmpui lianah hian an inlan thei ang.