Kawng dik kan zawh - Maresca

Chelsea hian an match hnuhnung berah Ipswich Town chu si hnih faiin an ngam lo, chak lo mah se coach Enzo Maresca chuan kawng dik an zawh tih a sawi a, zanin dar 8:30 hian Crystal Palace nen Premier League match an khel zui leh nghal ang.

Blues manager Enzo Maresca chuan, "Season khat chhung hi a rei em em a, kum khat chhung hi chuan hetiang result duhawm lo hi kan chunga a thlen chang a awm thei, a lo thleng ngei dawn tih pawh kan beisei lawk.

"Tlawm miah loa season hman tluan theih chu thil harsa a ni, chuvangin kan chak lohna avang hian kan chhe ta duai tihna a ni chuang lo. Ipswich Town laka kan khelh dan kha thlir chuan, hmasawnna hmuh tur tam tak a awm.

"A nihna tak sawi chuan team lian leh ṭha dangte elphak tur chuan hmabak tam tak kan la nei, champion sawi tur pawhin hmabak kan la nei a, ngelnghet taka khelh kan zir a la ngai, a lawmawm lai erawh chu kawng dik kan zawh hi a ni," tiin a sawi.