Curry-a ropui niah GSW an chak

Stephen Curry chuan nimin zing khan NBA record thar a siam, American star hian Philadelphia 76ers lakah 3-point neih tumin vawi riat a shot te chu a hlawhtling vek.

San Francisco-a inkhelah Curry awmna Golden State Warriors hian Philadelphia 76ers chu 139-105 in an hneh a, an thiampuipa Curry hian point 30 a neih bakah a ṭhiante basket neih tur vawi 10 a siamsak bawk.

Tun hma lamin 3-points neih tum ti hlawhtling vek an lo awm tawh, mahse 3-points neih tuma shot vawi riat tih hlawhtlin bakah assist vawi 10 nei tel tling thei awmchhun chu Curry chauh hi a ni.

Inkhel dangah NBA champion lai Boston Celtics chuan Minnesota Timberwolves chu 118-115 in an hneh. LeBron James-a point 38 hmangin Los Angeles Lakers pawhin Portland Trail Blazers lakah 114-106 in hnehna an chang bawk.

Western Conference hmahruaitu Oklahoma City Thunder pawh an kangsang zel, nimin zinga an khingpui Los Angeles Clippers chu 116-98 in an hneh a; Brooklyn Nets pawhin Milwaukee Bucks chu 113-110 in an hneh.