Champion beisei ngam chi a ni tawh lo - Silva

Manchester City midfielder Bernardo Silva chuan Liverpool nen an an inkar a zauh tawh em avangin Premier League nomawi chawi a beiseiawm tawh loh thu a sawi. Zanin dar 8:30 hian Eithad Stadium-ah City-in West Ham United an mikhual ang.

Silva chuan, "Tun dinhmunah chuan a nihna tak kan pawm thiam a ṭul. Paruknaa kan awm avangin Liverpool emaw Arsenal emaw el pha tur kan ni rih lo. Kan khelh hmabaka point thum hmuh zel chu kan theih theih sang ber a ni.

"Football-ah chuan thil thleng thei lo chu a awm lo a, mahse tun dinmunah chuan Man City hi nomawi inchuh zingah kan tel lo. Mipui lam chuan January-ah champion tur a la chiang lo an ti ṭhin a, mah se champion lo tur a chiang thei thung," tiin champion a besei tawh loh thu a sawi.

Man City hian November leh December thla chhungin ṭum hnih chauh hnehna an chang a, Nottingham Forest leh Leicester City te chauh an hneh. Chutihrualin Foxes hi an match hnuhnung bera an hneh an ni a, an khingpui tur West Ham laka an record an ṭhat bawk avangin an chak zawn thei tura ngaih an ni.