Milan coach Pioli a dam tawh

Serie A hmahruaitu AC Milan coach Stefano Pioli chu hun rei tak chhung Covid-19 a vei hnuah a fihlim tawh a, nizana Celtic nen Europa League group match an khelhah a naute a kaihruai leh thei tawh.

November 14 khan Pioli leh assistant coach Giacomo Murelli ten coronavirus an kai tih hmuhchhuah a ni. Hrileng an kai avangin hian an naute an training pui thei lo a, khelmualah an ho thei lo bawk.

Tun hnaia endik an nihnaah hri lak aṭangin an fihlim ve ve tawh. Nilaini khan training ground lakah an naute an kaihruai leh thei tawh a ni, manager leh assistant manager lo kir tur hi Milan tan chanchin lawmawm a ni ang. Coach Pioli awm loh hlanin Milan hian Serie A match pahnihah hnehna an chang a, Europa League lamah Lille nen an inhnehtawk bawk. Rossoneri hian league match vawi kua an khelh aṭanga point 23 hmuin hma an hruai mek.

Milan coach Pioli a dam lai hian Italian club dang Fiorentina coach Cesare Prandelli erawhin hri a kai tih hmuh chhuah thar a ni ve thung. Prandelli hian natna nei hran lo mah se khunghran a ni a, a chawlh chen tur a la chiang lo.