NBA player zingah hri kai an tam

Basketball inelna sang ber NBA inelna an nei dawn hnai a, mimal training an nei leh ṭan tawh. Inbuatsaihna an neih dawn avangin player ten Covid-19 an kai em tih endik an ni, mi 48 zetin hri an kai tih hmuhchhuak.

NBA tarlan danin mi 546 endik an ni a, an zinga hri kai zingah natna nei awm hran lo mah se hri laka an fihlim hma chu khung hran an ni dawn. Pathianni aṭanga a nawlpuiin team training an neih hunah an la inlan ve thei rih dawn lo.

Season hmasa khan hrileng vangin NBA hi regular season pawh ruahman lawk danin an khel zo thei lo. Hun rei tak an chawlh hnuah hmun khatah an khel zo a, a hmuna entu an awm loh avangin a hlut tur angin a hlu tawk loa ngaih a ni.