Mizoram volleyball team feh chhuak

Mizoram Volleyball Association (MVA) chuan National Senior Volleyball Championship khel turin team a tir chhuak a, nimin khan Mizo tlangvalte hian inelna neihna tur hmun Jaipur, Rajasthan panin Aizawl an chhuahsan.

Ruahmanna hmasaah chuan player 12 thlanchhuah an ni a, mahse chhungkua leh mimal harsatna vangin player pathum an zin chhuak thei lo.

MVA chuan, hunpui boruak a nih avangin inbuatsaihna neih ṭhat a harsat thu an sawi a, chutihrualin, "Theih ang tawkin khaw vawt pawh sawi loin an phak tawk an chhuah. In lamah mahnia theihtawp chhuahin an inbuatsaih nasa hle," an ti.

Fixture hi a la chhuah loh avangin Mizoramin an hmachhawn tur indawt hi tarlan theih a la ni rih lo.