CAM Under 19: RVL rawlthar an thiam ber

Cricket Association of Mizoram (CAM) hnuaia inelna Under 19 Tournament chu khelh zawh niin, nomawi inchuhna inkhelah Ramhlun Venglai chuan an khingpui Armed Veng hnehin an champion.

Suaka Cricket Ground, Sihhmui-a inkhelah Armed Veng hi ṭhumvawra vannei zawk niin vawm hmasak an thlang a, vaw hmasatu Ramhlun Venglai hian over 35.5 chhunga run 115 siamin an thi kim.

Armed Veng lamin target um phak ngei an tum, mahse, over 36.1 an hmachhawn chuan run 105 siamin an thi kim - Ramhlun Venglai rawltharte hi run 11-in an chak zawk a ni.