Ipswich-in Godfrey an la lut dawn

Premier League club Ipswich Town chuan tlarhnung tichak turin Atalanta aṭangin Ben Godfrey an la lut dawn. Club pahnihte hi English defender chungchangah hian inremna an nei tawh a, Everton aṭanga Italian club a zawm hnuah khelhna hmun a chan tam loh avangin loan hmangin Tractor Boys hi a zawm ang.

Kum 26 mi Godfrey hian Everton aṭangin hming a chher a, nikum June thla khan £11mtd velin Atalanta hi a zawm. Italian club tan Godfrey hian khelhna hmun a chang tam lo a, Serie A-ah ṭum khat chauh la inlanin inelna hrang hrangah match nga chauh a la khel a ni.