Inter hmachhawn tur Milan

Italian Super Cup final khel tur a chiang, semifinal hnuhnung zawkah AC Milan chuan Juventus 2-1 a hnehin final an lut a, an hmelma leh elpui ni bawk Inter Milan nen nomawi an inchuh dawn a ni.

Juventus tan Kenan Yildiz chuan Samuel Mbangula-a siamsak hmangin goal a khung hmasa a, mahse Milan tan damkawr Christian Pulisic chuan penalty aṭanga a sut bakah, Old Lady defender Federico Gatti-a'n anmahni lamah a tilut palh bawk.

Semifinal hmasa zawkah Inter Milan chuan Atalanta an lo hneh tawh. Tun hnaia Italian Super Cup a zawna vawi thum la thei Inter leh Milan te hian zanin dar 12:30 hian Riyadh, Saudi Arabia-ah final an khel zui leh nghal dawn a ni.