Quarterfinal-ah Djokovic a tla

Novak Djokovic tan thil a harsa chho ve ta zel - Australian Open khel tura inbuatsaihna tournament pakhat Bisbane International khelh laiah quarterfinal paltlang zo loin a tla.

Serbian star hian Reilly Opelka chu 7-6 (8-6), 6-3 in a hneh a, darkar khat leh minute 40 an khelh chhungin set a la ve lo. Opelka hian semifinal-ah Giovanni Mpetshi Perricard a hneh zui a, nomawi inchuhna inkhelah Jiri Lehecka nen inkhel lehin, chanchinbu buatsaih laiin result kan hre hman lo.

Grand Slam vawi 24 champion tawh Djokovic hian tennis a khelh hun chhunga a nomawi 100-na chawi turin tournament dang a nghah leh rih a ngai dawn tihna a ni a, tunah chuan January 12 aṭanga khelh ṭan tur Australian Open atan a insawrbing rih ang.