Foxes an tlawm leh ta

Leicester City-in Championship lama tlak thlak duh loin Ruud van Nistelrooy chu coach atan season laklawhah la lut mah se, an beisei ang result an nei thei lo a, Inrinni zan khan Aston Villa chu khualmualah 2-1 a ngam loin, a zawna a vawi nga nan league-ah an tlawm.

Villa hian Ross Barkley hmanga goal hmahruai khungin, Foxes hian Stephy Mavididi hmangin si phurh an sut a, mahse, minute 76-naah Leon Bailey chuan khung lehin, 2-1 in Villa an chak.

Foxes hian Nistelrooy-a kaihhruaina hnuaiah beiseina an nei sang hman viau a, a league match hmasa pahnihah point li an hlawh chhuak. West Ham chu 3-1 a hnehin, Brighton & Hove Albion nen 2-2 in an inhnehtawk.

Mahse, hemi hnu league match ngaah an tlawm vek a, hetih chhung hian goal 14 ngawt chhuahin, goal hnih chiah an khung - league table-ah 19-na dinhmun an luah mek.