Football Referee Development Course

Football Referee ni duhte tana ṭanpuina leh hlawkna a nih beiseiin he thu hi rawn chhawp chhuah a ni.

Mizo ten Football kan tuipui hle mai a, Mizoram hmun hrang hrangah football tournament kan buatsaih fo ṭhin a, kan inkhelte min enkawl ṭhintu Referee ṭha kan mamawh tih chu kan hre mai awm e.

Kan Player ten chak tak­in hma an sawn mek zel a. Mizo­ram pawnah kan players eng nge maw zatin eizawn nan an hmang mek bawk. Football Referee-ah hian Mizoram chhung leh pawna duty thei tur kan la indaih lo hle mai a, District tin aṭangin tun din­­­hmunah chuan Football Referee tur kan la mamawh hle a ni.

Hemi kawngah hian Mizoram Football Association (MFA) chuan theihtawp a chhuah a, Referee Develop­ment Course nei thei turin nasa takin hma a la mek zel a ni.

Football Referee hi zirlai, player, sorkar hnathawk leh hna dang thawk chung pawha thawh theih a ni a, lawmman ṭha tawk tak Football Association chuan a pe thin a ni. MFA leh AIFF ten theihtawp chhuahin Mizoram Football Referee-te hmasawn nan sum tam tak sengin Referee Development Course a buatsaih thin a, chuti chung pawhin Football Referee hi kan la indaih lo hle.

Kan hma lawk June 22-27, 2015 chhung hian AIFF leh MFA tang kawp chuan Referee Development Course Vawi 5-na Aizawlah a buatsaih leh dawn a. Football Referee ni duh HSLC passed chin, kum 1985 hnu lama piangte tan June 20 (Inrinni) 4:00pm thlengin MFA Office, City Park, Aizawlah Registration hi tih theih a ni.

He Course-a tel tur hian Football Referee lama tui mite kan insawm a, a tel duh turte chuan Physical Fit­ness Training uluk taka lo inbuatsaih lawk turin leh Football Laws of the Game pawh lo inzir lawk turin kan inhriattir a ni.

- Laldika, Ex-AIFF National Referee, Republic Vengthlang