Euro 2016 Qualifiers

UEFA European Football Championship Qualifiers 2016-ah ram 56-in an inel a, a vawi khatna atan Gibraltar an tel.

Ram 56 hi group pakuaah ṭhendarh an ni. Tunah hian Group A-H ten vawi ruk ṭheuh an khel tawh a, Group I-ah team paliin vawi nga khel tawhin Albania-in vawi li chiah an la khel thung.

Euro Qualifier thawh sarihna hi September 3-4, 2015-ah khelh leh tur a ni. Qualifier match tawp ber hi October 14, 2015-ah khelh tur a ni a, Playoff hi November 2015-ah khelh leh nghal tur a ni.

Euro 2016 Kalkawng?

24 - Vawi khatna atan ram 24 an inel dawn.

1 - Inelna thlengtu France an tling tawh.

18 - Group pakua aṭanga a sang pahnih ṭheuh an tling nghal ang.

1 - Group tina pathumna zinga point hmu sang ber an tling bawk ang. Group I-ah team panga chauh an awm avangin pathumna zinga ti ṭha ber thlang tur hian Group A-H pathumna te hian an group-a parukna team an hma­chhawnna result chu an chhawm tel thei dawn lo.

4 - Pathumna team riat la bang chuan double legged playoff an khel ang a, a chak paliin Euro 2016 an khel ang.