Palace-ah Hangeland kum khat dang

Norwegian defender Brede Hangeland chuan kum khat dang cham turin Crystal Palace-ah contract thar a ziak.

Kum 33-a upa defender hian August 2014 khan Palace hi Fulham tan kum ruk a khelh hnuin a zawm a, match 17-ah inlanin goal hnih a khung a ni.

Norway tan match 91 a inlan hnua international football chawlhsantu Hangeland chuan, "Alan Pardew hnuaia ka inkhel thei hi nuam ka tiin ka hlim em em a, talent nei ṭha leh an bula awm nuam em em te nena kan khel ho thei hi ka hlim a ni," tiin Palace a cham chhunzawm a tum chhan a sawi.