Gerry Weber Open-ah Federer

Thawhṭanni khan Roger Federer chuan Philipp Kohlschreiber hnehin Gerry Weber Open second round a lut.

June 29 a khelh ṭan tur Wimbledon inbuatsaih nan grass court tuornament hrang hrang an khel mek a, Gerry Weber Open pawh hi kum 1993 aṭanga khelh ṭan tawh Halle Opaen tia hriat ṭhin kha niin Gerre Weber-in an sponsor avangin a hming an tidanglam. Tournament hi Halle, North Rhine-Westphalia, Germany-ah neih mek a ni.

World number 2 Federer hian a match hmasa berah hian awlsam takin hnehna a chang mai bik lo a, a khingpui Kohlschreiber nen hian 'tie-break' vawi hnih khelin a tawpah 7-6, 3-6, 7-6 in a chak hram a ni. Federer hi set thumnaah a chesual teuh hle a, Kohlschreiber-a'n 5-3 in hma a hruai hman. Mahse, a tawpah erawh Federer a dingchang ta tho.

Kum 33-a upa Swiss tennis star Federer hi a vawi riat nana Wimbledon champion nih tumin a inbuatsaih ngawrh hle.