Hmeichhe World Cup Hrem tawk Nigerian player

Nigeria hmeichhe team player Ugo Njoku chu Australian player Sam Kerr a kuta a nghawk luih avangin match thum khel thei lo tura hrem a ni.

Australia leh Nigeria inkhelh ṭuma Njoku chet dan hi referee-in a hmu fuh lo a, hrem lohin a chhuak. Mahse, FIFA disciplinary committee chuan a hnuah video hmangin Njoku chet dan hi an chhui chiang leh a, match thum lai khel thei lo turin an hrem ta a ni.

Second round luh bei­seiawm tawh loh Nigeria hian group stage-a an match hnuhnung berah USA an la hmachhawn leh dawn a, heta ṭang hian Njoku hi a inlan thei tawh lo ang.

Hmeichhe world Cup match ṭan tir lamah France striker Camille Abily chuan England defender Laura Bassett chu a kiu in a lo nghawk ve tawh a, mahse referee-in a hmuh loh vangin hremna a pumpelh.

Njoku chhui zui a nih lai hian Camille Abily erawh FIFA disciplinary committee hian a chhui zui lem lo a, England rama football thuneitu Football Association pawhin khin let tumna a nei lo.