Man of the match hnawltu Lionel Messi

Barcelona vawi hnih treble champion puitu Lionel Messi chu Copa America-a Argentina leh Paraguay inhnehtawk ṭumin man of the match a thlan ni mah se Argen­tina captain hian chawi­mawina hi a hnawl.

Inrinni inkhelah Messi hian Sergio Aguero goal khung tur a siam sak a, Barca forward hian penalty aṭangin a khung leh bawk. Amaherawhchu Argentina-in goal hnih an hum zo lo a, second half-ah goal hnih an chhuah avangin 2-2 in an inhnehtawk.

Ṭum dang ang bawk­in MasterCard aiawhin dressing room-ah kum 27-a upa forward hi man of the match a thlan a nih thu hrilh a tum a, amaherawhchu Argen­tina team an result avang­in an lungawi lo. MasterCard aiawh hi Argentina player pakhat­mahin award dawn an duh loh thu an lo hrilh.

Argentina player-te'n award an pawm loh takah chuan Paraguay tana goal khungtu Nelson Valdez chu man of the match lawmman pek a ni.

Argentina hian tukin zing hian Uruguay nen group match hnihna an khel.