AC Milan coach thar Mihajlovic
Thawhlehni khan Italian club lian AC Milan chuan an head coach Filippo Inzaghi an ban hnu lawkah a aiawh turin Sinisa Mihajlovic an la lut nghal.
June thla khan Inzaghi hian Clarence Seedorf thlakin Milan hi a enkawl ṭan a, mahse beisei angin a hlawhtling lo. Serie A-ah point 52 hmuin table-ah 10 na a nih pui hram. Hetiang a nih avang hian Milan chuan Inzaghi chungah rinna an nghat ngam tawh lo tih a chiang hle. Thla nga chauh Inzaghi hian Milan hi a enkawl hman a ni.
Kum 46-a upa Yugoslavia defender hlui Mihajlovic hian kum hnih enkawl turin Milan hi a pan dawn. Mihajlovic hian football a khelh laiin Roma, Sampdoria, Lazio leh Inter Milan tan lo khel tawhin an ram tan pawh match 63 a khel bawk.
Kum 2006 khan football chawlhsanin coaching lamah a kal zui nghal a, a club hlui Inter-ah Roberto Mancini-a assistant-ah a ṭang chhunzawm nghal. Hemi hnu hian Bologna, Catania, Serbia leh Sampdoria te a enkawl leh tawh bawk.
Mihajlovic hian kum 2013 khan Sampdoria chu Serie A-ah 12 na anih pui bakah season liamta khan pasarihna nih puiin Miolan chungah an awm.
Club ropui ni ṭhin tun hnaia beisei phak lo Milan hian in dinthar an tum mek a, an hna hmasa aṭan m,anager thar an la lut niin a lang. Milan hian Serie A nomawo vawi18 an chawi tawh bakah Europe-ah vawi sarih an champion tawh bawk.