Ferencvaros coach thar Keane

Tottenham striker hlui Robbie Keane-a'n Hungarian club Ferencvaros a enkawl dawn. Keane hi Republic of Ireland tana khel tam ber leh goal khung tam ber record chelhtu a ni.

Kum 44 mi Keane hian ISL club ATK-ah player nih laia a hun tawp a hmang a, Kolkata club aṭangin club enkawl hna a thawk ṭan bawk. India ram a chhuahsan hnuin Keane hian Republic of Ireland-ah coach Mick McCarthy puiin assistant manager hna a thawk a, hemi hnu hian Middlesbrough leh Leeds United coaching staff-ah te a tel bawk.

June 2023 khan Keane hian Maccabi Tel Aviv a enkawl ṭan a, Toto Cup leh Israeli Premier League-ah te a champion pui. Sawmna ṭha zawk a dawn avangin Keane hian Israeli club chhuahsan turin thutlukna a siam.

Keane hian New York City pantu Dutch manager Pascal Jansen a thlak dawn a, Ferencvaros hi Hungarian league-ah pahnihnaah awm mekin Europa League-ah 16-naah an awm bawk.