South Africa-in Pakistan an hneh

South Africa chuan Pakistan chu Test match vawi hnih khelhah an hneh ve ve a, 2-0 in series an la. Test match vawi hnihna hi January 3-6, 2025 inkar khan Cape Town-ah khelh a ni a, Proteas hi 10 wickets-in an chak.

South Africa hian bat hmasak an thlang a, first innings-ah Ryan Rickelton-a'n 259 runs a siam bakah Temba Bavuma-a'n 106 runs siamin 615 ngawt an siam. Pakistan-in 194 runs chauh an siam avangin an bat nawn a ṭul a, second innings-ah erawh 478 runs an siam thung.

Shaheens hian 58 chauh target an chhawp thei a, South Africa-in harsatna nei loin an target hi an umpha. Proteas hian Pakistan an hneh avangin World Test Championship standings-ah pakhatna an ni a, Australia nen nomawi an inchuh ang.

WTC final hi June 11-15, 2025 chhung hian Lord's-ah khelh a ni dawn. Ṭum hnih final lut tawh India erawh Australia laka an tlawm avangin kumin nomawi inchuhnaah an tel thei dawn lo.