Villa tana khel tur Samatta

Genk striker Mbwana Samatta chuan Premier League boruak thar hip turin Aston Villa a pan a, pound maktaduai 10 man forward hian kum li leh a chanve chhung atan contract a ziak. 

Kum 27 mi striker hian work permit leh  international clearance a la nghak mek a, hei hi tihfel a nih hma chuan Villa tan hian a inlan lawk thei lo ang. Villa manager Dean Smith chuan, "Kan club-a Mbwana kan lalut thei hi ka lawm takzet a, goal khung uar tak a nih avangin thawhpui hlan ka nghakhlel tawh takzet a ni," a ti. 

Tanzania international hi an ram mi zinga Premier League khel hmasa ber tur a ni dawn a, Villa legend Gabriel Agbonlahor chu hmuhnawm ti taka a en ṭhin striker a nih thu a sawi bawk. Genk tan tun season inelna hrang hranga goal 10 khungtu chuan, "Tanzanian player-in Premier League a khelh hun tur hi mi tam takin nghakhlel takin an thlir a ni," a ti a, a hmasawnna chu an ram hmasawnna a nih tel thu a sawi. Season hmasaa Belgian club Genk tana match 51-a goal 32 khung thei striker hian tun season Champions League-a Anfield-a Liverpool an hmachhawn ṭum khan goal a khung.