Liverpool-in keeper chhuahtir

Premier League hmahruaitu Liverpool chuan an goalkeeper Marcelo Pitaluga chu Brazil lamah an kir tir a, a club hlui Fluminense-ah bawk a khel ang.

Kum 22 mi keeper hi Fluminense aṭanga inzir chhuak niin, October 2020 khan Reds hi a zawm. Hetihlai hian FIFA Under-17 World Cup-a champion hlim Brazil team-ah a tel a, English club hian a man atan pound maktaduai khat an seng.

Mahse, Liverpool a cham chhungin senior team tan a inlan miah lo a, Jurgen Klopp khan squad-ah vawi sarih dahin, a luhtir lo thung.

Pitaluga hi Scottish Championship club Livingston-ah loan-in a khel mek a, hemi hma hian non-league club Macclesfield leh League of Ireland club St Patrick’s Athletic-ah te loan-in a khel bawk.

Reds hian Pitalugaa manah phut an nei lo nia sawi a ni a, mahse, Brazilian club hian an hralh a nih chuan a hralhna aṭanga sum hmuh tur ṭhenkhat an hauh thung.