Swiatek inlan dawn

Damdawi hman phal loh chungchangah player tam takin buaina an nei ṭhin a, ṭhenkhat chu mahni duh vang renga ti an awm laiin ṭhenkhat erawh an tum reng vang ni loa tisual an awm ṭhin bawk - Iga Swiatek pawhin harsatna a tawk ve a ni.

Polish star Swiatek hian season hmasa chawhnu lam khan mimal harsatna a nei a, hetih lai hian zan muthilhna turin damdawi a lo ei ṭhin, a damdawi ei 'trimetazidine' chu dan phal loh zinga mi nia sawi a ni a, hremna pawh a hmachhawn.

Ranking point paihsak a ni a, pawisa chawitir a nih bakah hun eng emawti chhung a inkhel lo bawk. Tunah erawh Polish star hian harsatna a nei tawh lo, a elpui ber Aryna Sabalenka chu Swiatek dinhmun hrethiam leh ṭantu langsar zinga mi a ni.

Australian Open hmeichhe champion lai Sabalenka hian tun hnai khan a nomawi humhim tura a inpeih thu a sawi a, a elpui Swiatek a inlan theih dawn avangin season tir aṭangin inelna hmuhnawm an nei nghal ang.

Sabalenka leh Swiatek te hi tunlai hmeichhe tennis player ṭha berte zinga mi an ni a, nomawi chauh ni loin world number 1 dinhmun pawh inchuh zak zak an ni, vanglai hmang mek pahnih hi mipui mit fukna tur an ni.