World Cup zawhah Deschamps chawl dawl

Didier Deschamps chuan World Cup 2026 zawh hunah France team manager a nihna chu a chawhsan dawn tih a sawi a, an ram team hi inelna lian leh ngaihhlutah vawi khat chauh a inlanpui thei tawh dawn tihna a ni.

Kum 56 mi Didier Deschamps hian 2012 aṭang khan an ram team hi a enkawl ṭan tawh a, France manager ni tawh zinga dinhmun ngai chelh rei ber a ni hial.

Russia rama World Cup khelh a nih ṭum khan Deschamps kaihhruaina hnuaiah Les Bleus hi an champion a, Qatar World Cup leh Euro 2016-ah khan final lut mah se, a vanduai zawkah an ṭang thung.

Deschamps chuan, "Thutlukna ka siam chiang tawh, kum 2026 a zawh hunah chuan tuna ka hna hi ka chawlhsan ang. France team a ṭha thei ang bera enkawl hi ka duh a ni, chutihrualin ka hun a liam tih ka pawm a ngai," a ti.