Mizoram volleyball team an chak

Volleyball Federation of India (VFI) buatsaih - Senior National Volleyball Championship khelh laiah, nimin tlai khan Mizoram team chuan Nagaland chu 20-25, 25-19, 25-15, 25-9 (3-1) in an hneh.

Rajasthan-a inelna neihah Mizoram hi an match hmasa berah an chefuh lo, an khingpui Pondicherry lakah 16-25, 25-21, 25-29, 15-25 (3-1) in an chak lo, match pahnihnaah erawh kawng tinrenga inkhel thunun chungin an chak. Mizoram team hian nizan khan Andaman an hmachhawn zui leh nghal a, result erawh kan hre hman lo.

Tournament-ah hian team 32 an inlan - pool hrang hrangah ṭhen hran an ni. Mizoram hi pool F-ah Pondicherry, Chandigarh, Maharashtra, Nagaland, Delhi leh Andaman te nen an awmkhawm a, an intum kual vek dawn a, a sang pahnihin round of 16 an inhlangkai ang.

Mizoram Volleyball Association (MVA) chuan a tirah player 12 an ko a, mimal leh chhungkaw harsatna vangin an zin chhuak kim thei lo.