Chhinga Veng FC timualphotu AIFF U19

Chhinga Veng FC-in I Day Foot-ball-a an match khelh tur zat an khel zo tawh a, chak an nei lo. MPL kai thar hian an match hnuhnung berah AIFF Under 19 chu 3-1 in an hneh lo.

Inrinni chawhnua beisei tur nei tawh lo inkhelah hian Abishek Haldar (34'), Rohmingthanga Bawlte (44') leh Kishan Singh (88') te hmangin AIFF Under 19 in goal an khung a, Chhinga Veng goal awmchhun hi minute 58-naa Lalkhawpuimawia goal khung a ni.

AIFF U19 tan captain Edmund Lal-rindika'n goal khung lo mah se goal hma-hruai luh theihna kawngah a pawimawh takzet. Lunglei rawlthar Lalengzama Vangchhia-in inkhel bul ṭan lo mah se bench aṭanga a rawn luh chiahah free-kick a pet a, Chhinga Veng keeper Van-nunmawia'n dan sak mah se a per let chu Kishan Singh-a'n chiang zetin a khung.

AIFF U19 coach Floyd Pinto chuan, "Point thum hmuh hi kan tan chuan hmasawnna a ni a, inzirna tur erawh kan ngah hle a ni," tiin a sawi. Chhinga Veng cheṭhat loh chhan hi player in-hliam vang a ni a, chak hmel hmu lo mah se ṭantu an neih ṭhat bawk avangin MFA Super Cup inkhelh huna tum châkawm loh te zinga mi an ni.