Reds-in Barca an hre lo

Inrinni zan khan Liverpool chuan mi tam takin khawvel team ṭha bera an chhal Barcelona chu 4-0 in an sawp. Liverpool tan pound maktaduai 34 man Sadio Mane-a'n goal hmahruai a khung hnuah Reds midfielder hlui Javier Mascherano chuan an lamah a ti lut palh a, Divock Origi leh Marko Grujic-ten khung belchhhah ve lehin Catalan club-in tih theih an nei lo. Reds goal pali a nalh vek a, hun tawp dawn chiaha Serbian midfielder Grujic-a tauh goal a mawi danglam bik.

Lionel Messi-a telna team Barca leh Liverpool inkhel en tur hian Wembley Stadium-ah mipui 89,945 an pungkhawm a, England stadium lar ber chanchina mipui punkhawm ber dawttu a ni. Liverpool midfielder James Milner chu hliam vanga lakchhuah a ni a, Reds manager Jurgen Klopp chuan English winger dinhmun hi a ṭhat loh thu a sawi.

Inkhelh zawhah Klopp chuan, "Kan result mai piah lamah kan khelh dan avang khan ka lawm takzet a, kan goal nawr kha a na em em a ni. Ṭha taka kan khelh phawt chuan result duhawm tak kan hlawh chhuak thei tih kan zir a, zirlai ṭha tak a ni," tiin a naute khelh dana a lawm thu a sawi.

Tute nge inlan?

LIVERPOOL: Mignolet, Clyne, Lovren, Klavan. Milner (Moreno 42), Lallana (Henderson 45), Can (Stewart 45), Wijnaldum (Grujic 73), Mane (Markovic 72), Firmino (Ings 73), Coutinho (Origi 45)

BARCELONA: Ter Stegen (Bravo 45), Vidal (Roberto 45), Mas-cherano (Pique 60), Mathieu, Ca-mara (Digne 60), Suarez (Ligero 75), Busquets (Iniesta 60), Turan (60), Messi (Mujica 75), Suarez (Samper 75), Munir